Cuireann ETB Dhún na nGall, i gcomhar leis an Roinn Leanaí, Comhionannais, Míchumais, Lánpháirtíochta agus Óige (RLCMLÓ) tacaíocht riaracháin/airgeadais ar fáil, cé acu go díreach nó i gcomhar lena chéile do na Cláir Óige seo a leanas ar fud Dhún na nGall:

• Foróige Dhún na nGall (UBU D’Áit Do Spás)
• Rannpháirtíocht CLG Dhún na nGall (UBU D’Áit Do Spás)
• Seirbhís Óige Dhún na nGall (UBU D’Áit Do Spás)
• Ionad Eolais d’Aos Óg Leitir Ceanainn
• An Scéim Deontas do Chlubanna Óige Áitiúla
• Scéim Maoinithe Caipitil le haghaidh Tionscadail/Seirbhísí arna stiúradh ag Baill Foirne agus Clubanna/Grúpaí arna stiúradh ag Oibrithe Deonacha
• Saintionscnamh Tacaíochta maidir le hInfhostaíocht an Aosa Óig
• Tionscnamh Maoinithe LADTI+

Eagraíocht á lorg ag ETB Dhún na nGall le Seirbhís don Ógra a chur ar fáil i gCo. Dhún na nGall

Tá muid ag lorg eagraíochta faoi láthair a bhfuil taithí aici ar sheirbhísí a chur ar fáil do dhaoine óga, le freastal ar dhaoine óga in Inis Eoghain, Co. Dhún na nGall. Tá an tionscadal úr seo á bhunú faoin scéim UBU Do Spás D’Áit arna maoiniú ag an Roinn Leanaí, Comhionannais, Míchumais, Lánpháirtíochta agus Óige (RLCMLÓ).

Ba chóir go mbeadh an eagraíocht atá muid a lorg ábalta na critéir seo a leanas a shásamh:

• Dea-chleachtas a léiriú maidir le fís, modheolaíochtaí, rialachas, comhlíonadh, cláir a dhearadh, a sheachadadh agus a mheas.
• Taithí ar oibriú le daoine óga 10-24 bliain d’aois a bhfuil réimse leathan riachtanas acu, ag úsáid modheolaíochtaí oideachasúla neamhfhoirmiúla.
• Feidhmiú i suíomh lasmuigh den scoil, lena n-áirítear, tráthnónta, deirí seachtaine agus saoirí scoile.
• Nádúr agus riachtanais na ndaoine óga atá ag maireachtáil i bpobail faoi mhíbhuntáiste a thuiscint agus freagairtí cuí a thabhairt.
• Bheith ábalta freagairtí éifeachtacha a cheapadh agus a thomhas maidir le riachtanais an spriocghrúpa.
• Bheith tiomanta don fhoghlaim a roinnt agus don chomhoibriú ar bhonn leanúnach.

Tá sonraí breise ar fáil ar www.etenders.gov.ie, Tag. ID 195364. 25 Lúnasa 2021 is ea an dáta deiridh le tairiscintí a chur isteach.

Tá sé mar aidhm ag an scéim deontais do chlubanna óige áitiúla maoniú a sholáthar i dtreo riachtanais grúpaí agus clúbanna óige faoi stiúr oibrithe deonacha ar fud Co. Dhún na nGall. Is é Dé hAoine 19 Aibreán 2024 an dáta deiridh d’iarrataisí. Ba cheart foirmeacha a sheoladh chuig paddymuldoon@donegaletb.ie nó jacquieknox@donegaletb.ie.

Foirm Iarratais 

Nóta Faisnéise  

Uirlis tacaíochta agus forbartha don Earnáil Oibre Ógra is ea an Creat um Chaighdeáin Náisiúnta Cáilíochta (CCCN).